Transcription de la séquence romane de sainte Eulalie

Buona pulcella fut eulalia.
Bel auret corps bellezour anima
Voldrent la[ ]veintre li dō Inimi.
Voldrent la[ ]faire diaule servir
Elle nont eskoltet les mals conselliers.
Quelle dō raneiet chi maent sus en ciel.
Ne por or ned argent neparamenz
Por manatce regiel ne preiement
Niule cose non la pouret omq[ue], pleier.
La polle[ ]sempre n̄[on] amast lo dō menestier
E poro fut p̄[re)sentede [presentede] maximiien.
Chi rex eret a[ ]cels dis soure pagiens
Illi en ortet dont lei nonq[ue], chielt.
Qued elle fuiet lo nom xρ̄i[sti]ien.
Ellent adunet lo suon element.
Melz sostendreiet les empedementz
Quelle p̄[er]desse sa virginitet 
Poros furet morte a grand honestet.
Enz enl fou lo getterent com arde tost.
Elle colpes n̄[on] auret poro nos coist.
A czo nos voldret concreidre li rex pagiens.
Ad une spede li roueret tolir lo chieef.
La domnizelle celle kose n̄[on] contredist.
Volt lo seule lazsier si ruovet krist.
In[ ]figure de colomb volat a[ ]ciel.
Tuit oram que por nos degnet preier.
Qued auuisset de nos xρ̄s mercit.
Post la mort & a[ ]lui nos laist venir
Par souue clementia.